ليه هـ العالم يموت الف مره يابشر

Admin عدد المساهمات : 888 تاريخ التسجيل : 22/07/2011

ابيات راقت لي ..
واتمنى ان تصل ذائقتكم
..........

ماتعلمنا نكون اقسى من اشباه البشر
لــو تعلمنا .. عـرفنا كيف هـالدنيا تدووور

القلوب الممكنه تنبض حسافات وقهر
والقلوب المستحيله ماتعيش إلا تبـور

ليه هالعـالم يمــوت ألـف مـره يابشـر
يوم حسد ..يوم حقد..يوم كره..ويوم زور

ليه مانقدر نسامح من غلط او نعتذر ..؟
~ ليه أكثرنا يجرح في بعضنا بكل سرور

ليه ... مانسعى لحـل ( النزاع المنتظـر )
ليه من أجل المصالح نشتهي حب الظهور

هي حكايتنا حكايــه .. او حكايتنــا قــدر
هـو قدرنا..؟ هو قدرنا..؟ أو تعودنا نثـووور

ليه يسبقنا الحديث .. مانفـكـر بالأمـر
نستمـر بكل قسـووه إتأزم هـالأمــــور

( يابني آدم ) كبير الظلم وأوهامك امْـر
اخلص النيه وجمل كلمتك بين الحضور

باكر تغيب الليالي عن ( ملـذات العمـر )
وانت غارق في ظنونك ماتعديت الشرور

كف (حواء) لو تمده لك يومين و شهر
يمكن تكون الصديقه أو الأخت الغيـور

~ كلنا كنا ملامـح ناس من غيـر الشعــر
او شعر يرسم ملامح غير والإحساس نور

~ كلنا كنا ضحيـة .. ( حلم ظالم ماقدر )
يصدق بكل المعاني حلم مايملك شعور

~ ماتعــودنا نصارح في سوالفنا ونقر
نعتقد ممكن بأن أللي يصارحنا يجور

~ فينا واحد كان قاسي .. وفينا واحد ماشعر
فينا من خان المآسي وفينا من خان الشعور

~ فينا من يحلم يطير فوق اغصان الشجر
فينا من يغتال ضحكة طفل بأحلام الزهور

~ فينا من يشهق حنينه بين روحه والنظر
فينا من يعجز بقول كلمه مابين السطـوور

~ فينا من يشعر بقيمة نفس اغناها الفقر
فينا مـن يدفن وجوده بين أشـلاء القصـوور

~ كم فينا .. ماعرفنا..؟ وكم نحتاج لصور
كـم حنا مافهمنا..؟ كم حطمنا الغرور ..؟

~ هذا حنا ..كل منا ماعرف حكم القدر
والنصيب اللي يودينا .. ( لدرب القبور )

بس لايمكن نكون اقسى من اشباه البشر
لو تعلمنا قساها .. باكـر (( الدنيا تـدوور ))

دمتـــم سالميـــن

» اكبر كهف في العالم
» خريطة العالم
» اغرب سحالي في العالم
» اصغر طائر في العالم يبلغ طوله2,5cm